Arslan.mn

Үндэсний батлан хамгаалахын их сургуулийн хамт олон Монгол улсад шинэ цагийн Зэвсэгт хүчин үүсэн байгуулагдсаны 96 жилийн ой “Монгол цэргийн өдөр”-ийн хүндэтгэлийн арга хэмжээг өчигдөр ёслол төгөлдөр зохион байгууллаа. 

Тус арга хэмжээнд БХЯ, ЗХЖШ-ын төлөөлөл, ҮБХИС-ийн удирдлага, бие бүрэлдэхүүн оролцсон юм.

Үйл ажиллагааг нээж ҮБХИС-ийн хошууч генерал Ч.Чойжамц хэлсэн үгэндээ “Монгол улсын халдашгүй дархан байдлын төлөө үеийн үед зүтгэж байгаа нийт бие бүрэлдэхүүнд баярын мэнд хүргэе. Үндэсний батлан хамгаалахын их сургууль нь үеийн үед бахархам амжилт үзүүлсэн олон төгсөгдийг төрүүлэн гаргасаар ирсэн. Цаашид ч энэ ажлаа илүү улам зоригтойгоор хийх болно. Та бүхэн сайхан баярлаарай.” Хэмээсэн юм.

Тус арга хэмжээний үеэр “Оны тэргүүний цэргийн албан хаагчдыг шалгаруулах тухай” болон “Шагнал гардуулах тухай” Батлах хамгаалахын сайд, ҮБХИС-ийн захирлын тушаалыг танилцуулж, шагнал гардуулах ёслолын ажиллагаа боллоо. 

Мөн ҮБХИС-ийн  “Эмэгтэйчүүдийн зөвлөл”-ийн даргын мэндчилгээ Д.Оюунцэцэг нийт ажилчин алба хаагч эрчүүддээ баярын мэндчилгээ дэвшүүлж, ҮБХИС-д ажиллаж байгаа “Мөрдөстэй гэр бүл”-үүдийг алдаршуулж дурсгалын зүйлс гардуулсан юм.

Хурлын төгсгөлд Монгол Улсын Зэвсэгт хүчний хамгийн бяцхан эмэгтэй цэргийн алба хаагчдаас ҮБХИС-ийн нийт эрэгтэйчүүддээ мэндчилгээ дэвшүүллээ.