ХЦДБЧ-ын гоцлол дуучин Г.Батсүх цэргийн баяраар тоглоно

Эр цэргийн баяр буюу энэ сарын 18-ны өдөр "ТЭНГЭР НЬ ЦЭЛМЭГ ЭХ ОРОН” нэртэй уран бүтээлийн тоглолтоо сонсогч түмнээ өргөн барих гэж байгаа дуучин бол Хилийн цэргийн дуу бүжгийн чуулгын гоцлол дуучин Г.Батсүх юм.

Тэрээр Монгол улсынхаа дархан хилийн торгон зурвасаар жилдээ хоёр удаа тойрон тоглолт хийдэг Хилчин дуучин төдийгүй хөтлөгч нэгэн. Дуучин Г.Батсүхийн хувьд Монголын нийтийн дууны урлагт чимэг нэмсэн өв тэгш залуу гэдгээрээ ид гялалзаж яваа өнөө цагийн авъяалаг уран бүтээлч хэмээн үеийнхэн нь онцолдог.

ТЭНГЭР НЬ ЦЭЛМЭГ ЭХ ОРОН нэртэй тоглолтоо тэрээр хоёрдахь удаагаа сонсогч түмэндээ тавих гэж байгаа бөгөөд энэ удаад цэргийн баяр болох 18-нд тоглохоор болжээ.