Arslan.mn

НӨАТ-ын тухай хуульд нэмэлт, өөрчлөлт оруулах тухай хуулийн төсөл өнгөрсөн оны нэгдүгээр сарын 01-нээс хэрэгжиж эхэлсэн. Энэхүү хуулийн дагуу иргэд худалдан авалт бүртээ НӨАТ-ын хөнгөлөлт эдлэхийн зэрэгцээ тасалбараа e-barimt.mn-д бүртгүүлж сугалаанд оролцох болсон билээ. Иргэд, худалдан авагчдыг 2016 оны худалдан авалтын НӨАТ-ын баримтаа нэгдүгээр сарын 05-ны дотор бүртгүүлж, баталгаажуулах ёстой гэдгийг татварын албаныхан сануулж байна. НӨАТ-ын буцаан олголтыг энэ оны нэг, хоёрдугаар улиралд багтаан олгох юм байна. Өнөөдрийн байдлаар улсын хэмжээнд 895873 иргэн 32 тэрбум 88.8 сая төгрөгийг буцаан авахаар байгаа ажээ.