Arslan.mn

Өнгөрсөн сарын 28-нд хуралдсан Засгийн газрын ээлжит хуралдаанаар "Атрын III аян"-ыг 2017 оны нэгдүгээр сарын 1-ний өдрөөс улсын хэмжээнд үргэлжлүүлэн хэрэгжүүлэхээр шийдвэрлэсэн.

Аяны хүрээнд эргэлтийн талбайн ашиглалтыг сайжруулах, тариалангийн талбайн хөрсний элэгдэл эвдрэлийг хамгаалах, хөрсний үржил шимийг сайжруулах, ургамал хамгааллын цогц арга хэмжээг төлөвшүүлэх, үр, үржүүлгийн аж ахуйг цогцолбор байдлаар хөгжүүлэх, ус, усалгааны дэвшилтэт техник, технологи нэвтрүүлэх чиглэлээр тодорхой ажил хийх юм байна.  

Ингэснээр нэгжээс авах ургацын хэмжээ нэмэгдэж, үр тариа, төмс, гол нэрийн хүнсний ногооны хэрэгцээг 100 хувь, таримал тэжээлийн 50 хувийг дотоодоос хангах боломж бүрдэнэ гэж тооцоолжээ.