Arslan.mn

Өнөөдөр Хан-Уул дүүргийн хүүхэд багачуудад зориулсан Харшийн сүлд модны наадам болж эхний үзэгчдээ хүлээн авлаа. Тус сүлд модны наадмыг үзэж сонирхохоор Хан-Уул дүүргийн ИТХ-ын дарга Г.Цэрэн, Хан-Уул дүүргийн Засаг даргын орлогч А.Амартүвшин, Хан-Уул дүүргийн Нийгмийн хөгжлийн хэлтсийн дарга Б.Булган нар болон дүүргийн шилдэг 200 сурагчид ирсэн байлаа. Тус сүлд модны наадмын зохиолыг Хан-Уул дүүргийн шилдэг сурагчдын нэг болох Р.Энхзаяа бичиж, дүүргийн Соёлын ордны менежер Д.Отгонбаяр найруулжээ. Тус сүлд модны наадмын үеэр Хан-Уул дүүргийн төрийн болон төрийн өмчийн бус сургуулийн сурлага, урлаг, спортоороо манлайлсан 40 хүүхдийг шагнаж урамшуулах юм байна. Наадам өнөөдөр, маргааш хоёр өдөр үргэлжилнэ.