Америк доллар 
LIVEЦэцэг өвчнөөр 100 гаруй хонь өвчилжээ
2016 оны 12 сарын 02
Өмнөговь аймгийн Ханхонгор сумын “Жаргалант” багийн “Сүүж” гэдэг газар нутаглаж буй малчин Н-н суурьт 2016.10.30-ны өдөр халдварт өвчний шинж тэмдэгтэй 101 хонь өвчилсөн тул дээж авч шинжлүүлэхэд “Хонины цэцэг ” өвчин болох нь тогтоогджээ.
Мөн сумын “Хондот” багийн “Шар бударгана” гэдэг газар нутаглаж буй малчин Ц-н суурьт өнгөрсөн сарын 2-ны өдөр халдварт өвчний шинж тэмдэгтэй 51 хурга өвчилсөн тул дээж авч лабориторид шинжлүүлэхэд мөн “хонины цэцэг” өвчин болох нь тогтоогдож аймгийн Засаг даргын захирамжаар хорио цээрийн дэглэм тогтоон ажиллажээ.
Хонь ямааны цэцэг өвчин нь малын дотоод эрхтний үрэвслийн шинжээр илэрдэг цочмог халдварт өвчин юм. Эмчилгээ байхгүй энэ өвчний үед хорио цээрийн дэглэм хэрэгжүүлж ажиллахаас аргагүй юм.Сүүлийн 10 хоногийн байдлаар дээрх аймгаас гадна Хэнтий, Дундговь, Ховд аймгуудад цэцэг өвчин тархжээ. Мөн зарим аймагт малын галзуу өвчин гарсан талаар Онцгой байдлын ерөнхий газраас мэдэгдэж байна.
Мэдээнд өгөх таны үнэлгээ?
38683
0 эможи
