Arslan.mn

2016 оны хоёрдугаар ээлжийн цэрэг татлага орон даяар энэ сарын 20-28-ны өдрүүдэд болно. Хоёрдугаар ээлжийн цэрэг татлага жил бүрийн аравдугаар сарын 15-наас эхэлдэг ч энэ удаад орон нутгийн сонгуультай цаг хугацааны хувьд давхацсан тул цэрэг халах, татах хугацааг хэдэн хоногоор хойшлуулжээ.

Тодруулбал, цэргийн жинхэнэ албанд залуучуудыг татах, нэгдүгээр ээлжийн хугацаат албаны цэргүүдийг халах, гэрээт цэргийн албанд элсүүлэх ажил нийслэлд энэ сарын 21-23, хөдөө орон нутагт 20-28-ны өдрүүдэд болно. Цэрэг татлагын зарлан дуудах хуудас авсан залуус цэргийн үүрэгтний үнэмлэх, цахим үнэмлэх, эрүүл мэндийн даатгалын дэвтэр, нийгмийн даатгалын дэвтэр, хэрэв оюутан бол оюутны холбогдох материалаа бүрдүүлж, дурдсан цэрэг татлагын байранд очих ёстой аж.