Arslan.mn

Ус цаг уур орчин шинжилгээний төвөөс малчид, тариаланчид, хадланчид болон тээвэрчдэд зориулан анхааруулга гаргалаа. Тодруулбал, аравдугаар сарын 3-ны өдрөөс буюу ирэх даваа гаригаас эхлэн нутгийн ихэнх нутгаар хур тунадас, нойтон цас орж, цасан шуурга шуурч, хүйтрэхийг онцгойлон анхааруулж байна.

Иймд иргэд хөдөө, орон нутагт зорчиход зам даваа хаагдах эрсдэлтэй тул иргэд та бүхэн хөдөө, орон нутгийг зорихдоо дулаан хувцас, шатахууны нөөцтэй явах, автомашин, техник хэрэгслийн бүрэн бүтэн байдлыг сайтар ханган замд гарах, малчдын хувьд малын бэлчээрлэлтэд онцгой анхаарах шаардлагатайг хэлж байна.  

Мөн холын замд гарахдаа аль болох туулах чадвар сайтай автомашинаар зорчиж, цаг агаарын мэдээ, мэдээллийг цаг тухай бүр сонсон мэргэжлийн байгууллагаас өгч буй сэрэмжлүүлэг, анхааруулгыг дагаж мөрдөхийг анхаарууллаа.