Arslan.mn

Туркийн “Turkish Airlines” авиакомпанийн онгоц өнөөдөр /2016.09.27/ 11.00 цагт Чингис хаан нисэх буудалд газардаж, 12.05 цагт буцаад хөөрөх байсан ч хойшилж шөнийн 02.45 цагт болжээ.

Тус онгоцоор манай улсыг зорин ирсэн Сири улсын хоёр иргэнийг манай улсын хил гаалийн ажилтнууд саатуулснаас ийн онгоц хойшлоход хүрчээ. Дээрх хоёр зорчигч Монголын ГХЯ-ны албан тушаалтны тодорхойлолттой байсан ч нэг хүнийг хилийн шалганыхан бичиг баримтыг нь хүчингүй гэж үзжээ. Хилээр нэвтрэх боломжгүй болсон Сири улсын иргэн уг онгоцоор буцах гэсэн боловч биеийн байдал нь муудсан учир өвчтэй хүнийг онгоцоор тээвэрлэх боломжгүй гэдгийг “Turkish Airlines”-ийн онгоцны дарга мэдэгджээ.

Иргэний нисэхийн хуулийн дагуу онгоц агаарт байхад зорчигчийн бие муудвал хамгийн ойрын нисэх буудалд зогсох үүрэгтэй байдаг гэнэ. Тиймээс зорчигчийн биеийн байдлыг харзнаж, онгоцны нислэгийг шөнийн 02.45 цаг хүртэл хойшлуулжээ.