Arslan.mn

Сүхбаатар дүүргийн Засаг даргын Тамгын газрын Худалдаа, үйлчилгээний хэлтсээс зохион байгуулж байгаа “Ургацын далай-2016” өдөрлөг өнөөдөр 12 цагаас нээлтээ хийлээ.

Зөвхөн Монголдоо үйлдвэрлэсэн амт чанарын дээд болсон эдгээр бүтээгдэхүүн эх орны өнцөг булан бүрээс ирсэн байна. Үзэсгэлэн худалдаанд Өмнөговь аймгийн Булган сумын улаан лооль, Увсын цэвэр чацаргана, Говь-алтайн давжаа алим, ХААЯ-ны Гала сортын төмс зэрэг хүнсний ногоо, жимс жимсгэнэ худалдаалж байна. Дан хүнсний ногоо гэлтгүй утсан загас, шорлог, түргэн хоол зэрэг зүйлүүд ч бий. Энэхүү үзэсгэлэнгийн гол зорилго нь иргэдэд үндэсний үйлдвэрлэгчдийн чанартай, хямд өртөгтэй хүнсний ногоо, жимс, бүтээгдэхүүнийг худалдаалах, монгол ногоочид,бүтээгдэхүүн үйлдвэрлэгчдээ янз бүрийн үзэсгэлэн худалдаа зохион байгуулах замаар бага ч гэсэн дэмжих юм. Үзэсгэлэн худалдаанд анх удаагаа оролцож буй хүн байхад, 20 жилийн турш оролцож буй иргэд ч бас байна.