Arslan.mn

Өнөө шөнө Төв, Булган, Өвөрхангай аймгийн газар тариалангийн нутгаар хөрсөн дээр цочир хүйтэрч болзошгүйг Ус, цаг уур, орчны хүрээлэнгээс анхаарууллаа. Иймд малчид болон тариаланчид гарч болзошгүй эрсдлийг тооцохыг сэрэмжлүүлж байна. Маргааш төв болон зүүн аймгуудын зарим газраар, энэ сарын 28-нд Хангай, Хөвсгөлийн уулархаг нутгаар, 29-нд нутгийн хойд хэсгээр түр зуурын бороо орно. Салхи 28, 29-нд Алтайн уулсаар секундэд 12-14 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 0-5 градус, өдөртөө 15-20 градус, говийн бүс нутгийн өмнөд хэсгээр шөнөдөө 9-14 градус, өдөртөө 24-29 градус, бусад нутгаар шөнөдөө 5-10 градус, өдөртөө 19-24 градус дулаан байна.