Arslan.mn

Өнөөдөр  нутгийн зүүн хагаст үүлэрхэг, бусад нутгаар үүлших ба төвийн аймгуудын ихэнх, баруун болон говь, зүүн аймгуудын зарим газраар дуу цахилгаантай бороо орно.

Борооны үеэр салхи баруун хойноос 5-10 м/с, нутгийн өмнөд хэсгээр 12-14 м/с хүрч ширүүснэ. Хангай, Хөвсгөлийн уулархаг нутгаар 10-15 градус, говийн бүс нутгийн өмнөд хэсгээр 25-30 градус, Дорнод, Дарьгангын тал нутгаар 20-25 градус, бусад нутгаар сэрүүсч 14-19 градус дулаан байна. Маргааш буюу зургадугаар сарын 23-нд төв, зүүн аймгуудын зарим газраар, 24-нд баруун аймгуудын нутаг, төвийн аймгуудын баруун хэсгээр, 25-нд баруун болон төвийн аймгуудын зарим газраар бороо орно. Мөн 23-нд нутгийн зүүн хагаст сэрүүсч Хангай, Хөвсгөл, Хэнтийн уулархаг нутаг, Туул, Тэрэлж голын хөндийгөөр шөнөдөө 1-6 градус, өдөртөө 12-17 градус, байх бол баруун аймгуудын нутгаар цаашдаа дулаарна хэмээн Ус цаг уур, орчны судалгаа мэдээллийн хүрээлэнгээс мэдээллэлээ.