Arslan.mn

Сүхбаатар дүүргийн 4-р хороо буюу хуучнаар хүнсий 20-р дэлгүүрээс зүүн чиглэлд автобусны буудал явах замын ногоон байгууламжин дээр ТҮЦ буулгажээ. Энэхүү ТҮЦ-ийг тус газарт буулгаж үйл ажиллагаа эрхлэх зөвшөөрлийг Сүхбаатар дүүргийн үйлдвэрлэл үйлчилгээний хэлтэсээс өгсөн гэх иргэний мэдээлэл бидэнд ирсэн ба хорооны оршин суугчдын зүгээс дээрх үйлдлийг буруушааж байгаа аж. Өмнө нь уг газарт зөвшөөрөлгүй ТҮЦ-үүд үйл ажиллагаа эрхэлдэг байсан ба 4-р хорооны 40-р байрны оршин суугчид болон аж ахуйн нэгжүүд хамтран нүүлгэн шилжүүлэх хүсэлт гаргаснаар төв замыг чөлөөлж ТҮЦ-үүдийг албадан буулгасан ажээ. Гэтэл өнгөрөгч шөнө явган хүний замын хажуугийн ногоон байгууламжин дээр дахин хоёр ТҮЦ зөвшөөрөлгүй буулгажээ. Харин дээрх асуудалд Сүхбаатар дүүргийн зүгээс уг ТҮЦ-үүдийг тухайн газар буулгах зөвшөөрөл өгөөгүй гэх ба өнөөдөр шөнө албадан буулгах үйл ажиллагаа явуулахаар болсон гэж мэдэгдлээ.