Arslan.mn

“Эвлэн мандуулах хүч” төрийн бус байгууллагаас өнөөдөр /2016.05.31/ “Монгол ньюс” мэдээллийн төвд мэдээлэл хийж, бие даагчдын сонгогдох эрх зөрчигдөж байгаа тухай хэллээ.Дээрх төрийн бус байгууллагын тэргүүн Ц.Мөнхбаяр, Удирдах зөвлөлийн гишүүн Г.Болдбаатар нар УИХ-ын сонгуульд бие даан нэр дэвшихээр болсон ч Цагдаагийн байгууллагаас нэр дэвших эрхийг нь хязгаарласан байна. Энэ шийдвэрийг нь тэд Үндсэн хуулиар олгогдсон сонгох, сонгогдох эрхэнд халдаж байна гэж тайлбарлав. Тэд 2016 оны УИХ-ын сонгуульд нэр дэвших боломжгүй болсон ч энэ удаагийн сонгуульд бие даан нэр дэвшигчдийг дэмжиж, ажиллахаар шийджээ. Ингэхдээ тэдгээр бие даан нэр дэвшигчидтэй Ёс зүй хариуцлагын тухай гэрээ байгуулан ажиллахаар болж, “Төр хурахын тунхаглал” гэх баримт бичгийг гаргасан юм байна.