Arslan.mn

Увс аймгийн Тариалан суманд сураггүй болсон 26 настай Б.Ариунааг эрэн хайх ажиллагааг ар гэрийнх нь хүсэлтээр арваннэгдүгээр сарын 10-нд 13 хүний бүрэлдэхүүнтэйгээр дахин эхлүүлжээ.

Энэ талаар Цагдаагийн ерөнхий газар арваннэгдүгээр сарын 11-нд мэдээлэв.

Тодруулбал, иргэн Б.Ариунаа аравдугаар сарын 15-ны өглөө 07:00 цагийн орчимд тус сумын Бургастай багийн «Машийн ам» гэдэг газраас малаа хайхаар гараад сураггүй болсон юм. Цагдаагийн мэдээлснээр, анхны эрлийн ажиллагааг 14 хоног явуулж, аравдугаар сарын 29-нд ар гэрийнх нь хүсэлтээр түр зогсоож байв.

Түүний талаар мэдээлэлтэй иргэд Увс аймгийн цагдаагийн 7045-102, 8802-3342 дугаарт холбогдох боломжтой.