Arslan.mn

Увс аймагт цасан шуурганы үеэр малдаа яваад сураггүй болсон 26 настай малчин эмэгтэйг 13 дахь өдрөө хайж байна.

Эрэн хайх ажиллагаанд Онцгой байдлын газрын алба хаагчид, Тариалан сумын Засаг даргын Тамгын газрын ажилтнууд, төрийн албан хаагчид болон орон нутгийн иргэд оролцож байгаа юм.

Одоогоор бүсгүйг олоогүй бөгөөд эрэн хайх ажиллагааг үргэлжлүүлж байна.

Түүний аав Х.Баяраа хэвлэлд яриа өгөх үеэр "Хүүхдийн маань төлөө маш чармайн зүтгэж эрлийн ажиллагааг явуулж байгаа та бүхэндээ баярлалаа. Ямартай ч охин минь олдонo гэдэгт итгэлтэй байна." гэсэн билээ.