Arslan.mn

Өмнөговь аймгийн оюутнуудад зориулан орон нутгийн төсвийн 9 тэрбум төгрөгөөр Улаанбаатар хотод оюутны байр барьжээ. Уг байрандаа энэ намраас ашиглалтад орж байгаа бөгөөд одоо нутгийнхаа оюутнуудыг хүлээн авч эхэлсэн байна.

Тодруулбал, Оюутны хотхон нь  11 давхар барилга бөгөөд 500 оюутан байрлах багтаамжтай юм.

Ташрамд дурдахад, Улаанбатар хотод 2024-2025 оны хичээлийн жилд дотоодын их дээд сургуульд 1300 гаруй Даланзадгад сумын 516 оюутан суралцаж, сургалтын төлбөрийн орон нутгийн тэтгэлэгт хөтөлбөрт хамрагджээ. Орон нутгийн тэтгэлэгт хөтөлбөрт 137 оюутан хамрагдсанаас Даланзадгад сумын харьяат 77 оюутан тэтгэлгээр суралцаж байна. ШУТИС-ийн харьяа Өмнөговь аймгийн Технологийн Дээд сургуульд 194 оюутан суралцаж байгаагаас Даланзадгад сумын харьяат 52 оюутан суралцаж байгаа аж.