Arslan.mn

Хэнтий аймгийн Онцгой байдлын газрын алба хаагчид усанд живж, ухаан алдсан иргэний амь насыг аварчээ.

Тодруулбал, Дэлгэрхаан сумын Аварга Тосон нуурт 2026 оны 7 дугаар сарын 26-ны өдөр усны эргүүл хийж байх үед нэг иргэн живж, ухаан алдсан байна.

Дэслэгч Э.Энхбаатараар ахлуулсан бүлэг шуурхай ажиллаж, иргэний амь насыг аварч, анхны тусламж үзүүлэн Эрүүл мэндийн төвд хүлээлгэн өгчээ.

Онцгой байдлын газраас иргэдийг архи, согтууруулах ундаа хэрэглэсэн үедээ усанд орохгүй байхыг анхаарууллаа.