Аврагчид цасанд боогдсон 82 айлыг нүүлгэн шилжүүлж, 279 км замыг нээжээ Аврагчид цасанд боогдсон 82 айлыг нүүлгэн шилжүүлж, 279 км замыг нээжээ
COVID-19 7 хоногийн тойм -22°C 2639.86 ₮
02 сарын 23, Баасан
Өнөөдөр

Arslan.mn

Аврагчид цасанд боогдсон 82 айлыг нүүлгэн шилжүүлж, 279 км замыг нээжээ

2023 оны 11 сарын 12

Arslan.mn

Төв аймгийн Өндөрширээт суманд энэ сарын 04-05-ны өдрүүдэд буюу 22 цаг үргэлжилсэн хүчтэй цасан шуурганы улмаас  сумын хэмжээнд талдаа дунджаар 20-25 см орчим,  гуу жалгандаа 50-80 см зузаан цасан бүрхүүл тогтсон байна. 

Цаг агаарын аюулт үзэгдлийн улмаас цасанд боогдсон, төөрсөн, суусан, эрүүл мэндийн тусламж үйлчилгээний нийт 49 удаагийн дуудлага мэдээлэл бүртгэгдэж, аймгийн Онцгой байдлын газар, сумын Онцгой комиссын гишүүд хамтран ажиллаж, 100 гаруй иргэний аюулгүй байдлыг ханган ажиллажээ.

Өнөөдрийн байдлаар цасанд боогдсон нийт 82 айлыг нүүлгэн шилжүүлж, 279 км замыг нээсэн бөгөөд ОБЕГ-ын харьяа Үндэсний аврах бригад, Зэвсэгт хүчний 326 дугаар ангийн алба хаагчид, аймгийн Онцгой байдлын газар, сумын Онцгой комиссын гишүүд хамтран ажиллаж байна.

Өндөрширээт сум нь 2100 орчим хүн амтайгаас 592 нь малчин өрх. Сумын хэмжээнд 527 малчин өрхийн 224.600 орчим мал өвөлжиж, хаваржина. Аймгийн Засаг даргын захирамжаар баталсан 60 тн өвс, 50 тн тэжээл бэлтгэхээс гар тэжээл 140,1 тн, үйлдвэрийн 183,7 тн, өвс 293 тн, ногоон тэжээл 945,8 тн тус тус бэлтгэжээ гэж Онцгой байдлын ерөнхий газраас мэдээллээ. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
652708
0 эможи

keyboard_arrow_up