Arslan.mn

Баян-Өлгий аймгийн Цэнгэл сумын Онцгой комиссын шийдвэрээр өнөөдрийн 13:00 цагаас эхлэн тус сумаас гарах хөдөлгөөнийг, 00:00 цагаас орох хөдөлгөөнийг тодорхойгүй хугацаагаар тус тус хязгаарлалаа.

Учир нь энэ сарын 13-ны өдөр Цэнгэл сумын төвөөс холгүй газар орших "Эс жи групп" компанийн алтны уурхайд очиж, 14-ний өдөр буцсан иргэнээс Улаанбаатар хотод очсоны дараа /2021.03.18/ "Ковид-19" халдвар илэрсэн байна.

Үүнтэй холбогдуулан ойрын болон дам хавьтал болох уурхайн 68 ажилтныг тусгаарласан бөгөөд өнөөдөр өглөө сорьц авч PCR шинжилгээ хийлгэхээр Ховд аймаг руу явуулжээ. Шинжилгээний хариу 48 цагийн дараа гарна.

Уг асуудлаар аймгийн Онцгой комисс яг одоо хуралдаж байна. Хуралдаанаас гарсан шийдвэрийг эргэн мэдээлэх болно.