Arslan.mn

Байгалийн онц аюултай үзэгдлийн улмаас Эрдэнэт – Булганы цахилгаан дамжуулах агаарын шугамд томоохон гэмтэл гарч зургаан аймгийн 125 сум цахиллгаангүй байгаа тухай манай сайт мэдээлсэн. 

Шугамд гарсан гэмтлийг яаралтай засварлаж хэрэглэгчдийг эрчим хүчинд холбохоор Эрчим хүчний сайдаар ахлуулсан ажлын хэсгийнхэн яг одоо Булган аймагт ажиллаж байна.

Эрчим хүчний яам, "Цахилгаан дамжуулах үндэсний сүлжээ" ХК-ийн хамтарсан ажлын хэсгийнхэн агаарын шугмын гэмтэл учирсан газар дээрээс нь авсан зургийг илгээснийг бид хүргэж байна.

Тодруулахад,  Завхан, Говь-Алтай аймгийн хэрэглэгчдийг Тайширын усан цахилгаан станц болон Богдын голын усан цахилгаан станцаас сэргээгдэх эрчим хүчээр хангаж ажиллаж байгаа аж.