Америк доллар 
LIVEХонины цэцэг өвчний дэгдэлт багасч байна
Сүхбаатар аймгийн Мөнххаан суманд гарсан хонины цэцэг өвчний дэгдэлт багасаж байна. Тус өвчинөөр өвчилсөн хоёр голомтны 118 хонийг устгалд оруулжээ.
Улаанбаатар хотоос вакцин ирж, одоогоор тарилгын ажил үргэлжилж байна. 01 дүгээр сарын 16-ны байдлаар Мөнххаан сумын хонь нэг бүрийг вакцинд хамруулах ажил 70 гаруй хувьтай үргэлжилж байгаа бөгөөд тав хоногийн дотор вакцинжуулалтын ажлыг дуусгахаар 17 ажлын хэсэг ажиллаж байна.
Үүнээс гадна Түвшинширээ сумын төвөөс 27 километрт нэг голомтонд 38 хонь цэцэг өвчинөөр өвчилсөнийг устгажээ. Мөн тус суманд долоон ажлын хэсэг гарч, вакцинжуулалтын ажлыг хоёр хоногийн өмнөөс эхлүүлээд байна. Эхний удаад өвчин гарсан голомтыг бүрэн вакцинд хамруулна. Цаашдаа бүх хонийг вакцинжуулах ажил хийгдэнэ.
Сүүлийн хоёр хоногт цэцэг өвчний тохиолдол нэмэгдэж гарсан зүйл байхгүй байна.
