Arslan.mn

Аймгийн Засаг даргын зөвлөл хуралдаж, Улсын аварга малчинд тодорхойлох асуудлыг хэлэлцэн Хүнс, хөдөө аж ахуй, хөнгөн үйлдвэрийн яаманд хүргүүллээ. Сумдаас 10 гаруй материал ирүүлснээс шүүн хэлэлцэж, Баруун-Урт сумын 8-р багийн малчин Гочоогийн Батнасанг Улсын хошой сайн малчинд, Баяндэлгэр сумын Дөхөм багийн малчин Борын Оюун-Эрдэнийг Улсын аварга саальчинд тус тус дэмжсэн байна. Улсын сайн малчин шалгаруулах журмын өөрчлөлтөөр шагналыг Улсын аварга малчин хэмээн нэрлэхээр болсон бөгөөд уг шагналд Түвшинширээ сумын Дэлгэрхаан багийн Шагдарсүрэнгийн Даваабаатар, Уулбаян сумын Баян багийн Батмөнхийн Бадамдорж, Халзан сумын 2-р багийн Рагчаагийн Ооёо нарыг дэмжин материалыг хүргүүлээд байна.