Arslan.mn

Дэлхийн чихрийн шижинтэй тэмцэх өдрийг тохиолдуулан Улсын нэгдүгээр төв эмнэлгийн Дотоод шүүрэл судлал, диабетийн төв арваннэгдүгээр сарын 12-нд “Диабетийн эсрэг эрт үеийн арга хэмжээ” уриан дор сургалт, өдөрлөг зохион байгууллаа.

Өдөрлөгийн үеэр эмнэлгээр үйлчлүүлж буй иргэдэд чихрийн шижин, эрт илрүүлэг, хүндрэлээс урьдчилан сэргийлэх талаар мэдээлэл өгчээ. Мөн иргэдийн биеийн өөхний хувь болон өөх тосны үзүүлэлтийг тодорхойлж, мэргэжлийн зөвлөгөө өгсөн байна.

УНТЭ-ийн мэдээлснээр, Монгол Улсад чихрийн шижингийн тархалт сүүлийн жилүүдэд гурав дахин нэмэгджээ. Тус төвийн амбулаториор жилд дунджаар 20–24 мянган хүн чихрийн шижин болон түүний хүндрэлтэй холбоотой үзлэг, оношилгоонд хамрагддаг байна.

Дэлхийн чихрийн шижинтэй тэмцэх өдрийг жил бүрийн арваннэгдүгээр сарын 14-нд тэмдэглэдэг.