Arslan.mn

Эм, эмнэлгийн хэрэгслийн хяналт, зохицуулалтын газрын дарга П.Алтанцэцэг ОХУ-аас Монгол Улсад суугаа Элчин сайдын яамны Атташе Е.А.Бондаренко, Атташе Б.Х.Кушхов нарыг хүлээн авч уулзлаа.

Уулзалтын үеэр талууд Монгол Улс, ОХУ-ын эм, эмнэлгийн хэрэгслийн салбар дахь хамтын ажиллагааны өнөөгийн байдал, цаашдын хамтын ажиллагааг өргөжүүлэх боломжийн талаар санал солилцов.

Мөн эмийн чанар, аюулгүй байдал, зохицуулалтын чиглэлээр мэдээлэл, туршлага солилцох, хамтын ажиллагааг бэхжүүлэх асуудлаар ярилцаж, эрүүл мэндийн салбарын хамтын ажиллагааг өргөжүүлэн хөгжүүлэх чиглэлээр цаашид нягт хамтран ажиллахаа илэрхийллээ.