Arslan.mn

Улсын Хоёрдугаар эмнэлгээс Орчин цагийн зэвсэгт хүчин байгуулагдсаны 105 жилийн ойг зориулан долоо хоногийн аяныг зохион байгуулж байна. 

Өнөөдөр аяны хүрээнд эмнэлгийн эрэгтэй ажилчдад зориулсан сургалтыг зохион байгуулсан бол ирэх пүрэв, баасан гарагт эрэгтэйчүүдийн үзлэгийг оочир, дараалалгүйгээр хийх аж. 

Энэ талаар УХТЭ-ийн Бөөрний мэс заслын тасгийн мэс заслын эмч А.Ханхонгороос тодрууллаа. Тэрээр "Улсын Хоёрдугаар эмнэлгээс Орчин цагийн зэвсэгт хүчин байгуулагдсаны 105 жилийн ойг зориулан эрчүүддээ зориулсан долоо хоногийн аяныг зохион байгуулж байна. 

Маргааш манай эмнэлэг эрчүүдэд зориулсан үзлэг, оношилгоог үнэ төлбөргүй хийнэ. Эрэгтэйчүүдийн дунд түрүү булчирхайн томрол, бөөр шээсний замын чулуу, бөөр шээсний замын хавдрын өвчин хамгийн их тохиолдож байна. Тиймээс эрчүүд маань урьдчилан сэргийлэх эрт илрүүлэг, үзлэгт хамрагдахаас гадна амьдралын буруу хэвшлээс аль болох татгалзах ёстой." гэдгийг энэ үеэр онцоллоо.