Arslan.mn

Улсын онцгой коммис, Эрүүл мэндийн яамнаас гаргасан хамтарсан баг бүрэлдэхүүн 21  аймгийн өвөлжилт хүндэрсэн сумын малчдад тусламж үзүүлэхээр ажиллаж эхэллээ.

Эмч нарын баг Баян-Өлгий, Говь-Алтай, Завхан, Ховд, Увс,  Архангай, Өвөрхангай, Баянхонгор, Булган, Хөвсгөл, Орхон, Дархан-Уул, Сэлэнгэ, Төв аймгуудад ажиллаж байна.

Мөн Хавдар судлалын үндэсний төвөөс Төв аймгийн сумдад тусламж хүргэх багийнхан мордсон бөгөөд цасанд хаагдаж, боогдсон ч зорьсон газраа хүрч өнөөдрөөс эхний сум Эрдэнэсантад ажиллаж эхэлсэн байна.

Тухайлбал, ХСҮТ-ийн дүрс оношилгооны эмч Э.Хишигдоржоор ахлуулсан багт Улсын хоёрдугаар эмнэлгийн яаралтай тусламжийн эмч, СЭМҮТ-ийн сэтгэл засалч эмч нар ажиллаж байна.

Тэд эхлээд сумын төвөөс 40км алслагдсан айлд цас ухсаар очиж, зүрхний дутагдалтай хүнд тусламж үзүүлэн, сумын эмнэлэгт авчирч шаардлагатай тусламж үйлчилгээгээ үзүүлжээ.

ХСҮТ-ийнхөн өөрсдийн хөрөнгөөр 50 өрхийн эмчилгээний багцыг худалдан авч, тээврийн зардал, унаа тэргээ дайчлан гамшигт нэрвэгдсэн малчдадаа туслах аянд нэгдэж байна.

Байгалийн эрхшээл, хүнд цаг үеийг хамтдаа даван туулж, малчдадаа тусалъя гэж уриалав.