Л.Хуягбаатар: Салхин цэцэг өвчний үед өдөрт дор хаяж 2 удаа усанд орох хэрэгтэй. Метилл түрхэж болно
Үндэсний Статистикийн Хороо(ҮСХ)-ноос өчигдөр 2023 оны статистик мэдээллийг гаргасан. Тус статистик мэдээлэлд салхин цэцгээр өвчилсөн хүний тоо хамгийн өндөр буюу 3.4 дахин өсөж, 11.9 мянга болсон талаар мэдээлсэн юм. Мөн гар хөл, амны өвчний тохиолдол 2.3 дахин өсчээ.
Энэ талаар Халдварт Өвчин судлалын Үндэсний төвөөс тодруулахад "2023 оны эхний 12 сард салхинцэцэг өвчний нийт 11,878 өвчлөл буюу 10,000 хүн амд 34.4 тохиолдол бүртгэгдэж, өмнөх оны мөн үеэс 24.2 (8414) тохиолдлоор ихэсч, сүүлийн 5 жилийн дунджаас 17.4 тохиолдлоор нэмэгдсэн үзүүлэлттэй байна. Нийт өвчлөлийн 84.8 хувь нь 0-9 насны хүүхэд эзэлж байгаа бөгөөд үүнээс 35 хувь нь 5-9 насных байна.
Нийт тохиолдлын 80-90 хувь хөнгөн явцтай гэрээр ӨЭМТ-ийн хяналтад эмчлэгдсэн бөгөөд салхинцэцэг өвчний шалтгаант нас баралт бүртгэгдээгүй байна
Өвчлөлийн байдлыг цар тахлын өмнөх болон цар тахлын үе, цар тахлын дараах үе гэсэн байдлаар авч үзэхэд цар тахлын үед бусад халдваруудын адил 4-5 дахин буурсан үзүүлэлттэй байна. Энэ нь хүн амын дунд дархлаагүй бүлгийг нэмэгдүүлэх гол шалтгаануудын нэг нь болсон байх магадлалтай байна.
Мөн эмнэлзүйн талаар ХӨСҮТ-ийн Яаралтай тусламжийн тасгийн эмч Л.Хуягбаатараас тодруулахад тэрээр "Салхин цэцэг нь амьсгалын замаар дамждаг цочмог халдварт өвчин юм. Тухайлбал, агаар дусал болон ахуй хавьтлын замаар дамжин халдварладаг. Салхин цэцэг өвчний нууц үеийн хугацаа 10-21 хоногийн урттай байдаг. Салхин цэцэг өвчний халдвар авсан бол өдөрт хоёроос дээш удаа усанд орох хэрэгтэй. Метилл түрхэж болно." хэмээлээ.
ДЭЛГЭРЭНГҮЙ ҮЗЭХ:
![Like an post](https://www.arslan.mn/templates/img/comment/like.png)
![Love an post](https://www.arslan.mn/templates/img/comment/love.png)
![haha an post](https://www.arslan.mn/templates/img/comment/haha.png)
![wow an post](https://www.arslan.mn/templates/img/comment/wow.png)
![yay an post](https://www.arslan.mn/templates/img/comment/yay.png)
![sad an post](https://www.arslan.mn/templates/img/comment/sad.png)
![ouch an post](https://www.arslan.mn/templates/img/comment/ouch.png)
![confuse an post](https://www.arslan.mn/templates/img/comment/confused.png)
![angry an post](https://www.arslan.mn/templates/img/comment/angry.png)