УНТЭ-т хос дурангийн аргаар ходоодны салстын доорхи хавдрыг тайрах мэс заслыг “АМЖИЛТТАЙ НЭВТРҮҮЛЛЭЭ” УНТЭ-т хос дурангийн аргаар ходоодны салстын доорхи хавдрыг тайрах мэс заслыг “АМЖИЛТТАЙ НЭВТРҮҮЛЛЭЭ”
COVID-19 7 хоногийн тойм -22°C 2639.86 ₮
02 сарын 28, Лхагва
Өнөөдөр

Arslan.mn

УНТЭ-т хос дурангийн аргаар ходоодны салстын доорхи хавдрыг тайрах мэс заслыг “АМЖИЛТТАЙ НЭВТРҮҮЛЛЭЭ”

2023 оны 10 сарын 31

Arslan.mn

Улсын Нэгдүгээр Төв эмнэлгийн Гастроэнтерологийн төвийн дурангийн багийн эмч нар нь Мэс заслын баг, Мэдээгүйжүүлэг хагалгааны нэгдсэн тасгийн багтай хамтарч Laparoscopic and endoscopic cooperative surgery (LECS) буюу хэвлийн дуран болон хоол боловсруулах замын дурангийн хамтарсан ходоодны салстын доорхи хавдарыг тайрах хослуулсан мэс заслыг амжилттай нэвтрүүллээ.

Arslan.mn

Мэс заслын үеэр Гастроэнтерологийн төвийн дурангийн эмч Т.Тэмүүжин хэлсэн үгэндээ “УНТЭ нь Гастроэнтерологийн төв нь Laparoscopic and endoscopic cooperative surgery (LECS) буюу хэвлийн дуран, ходоодны дурангийн тусламжтайгаар ходоодны салстын доорх хавдрын үүсгэврийг тайрах мэс заслыг энэ онд нэвтрүүлэх зорилт тавин ажиллаж байсан. Бид энэ зорилтдоо хүрч, анхны мэс заслаа амжилттай хийлээ. Энэхүү мэс засал хийгдсэнээр ходоодны ханын цусан хангамж сайжрахаас гадна өвчтөний амьдралын чанар илүү сайжрах боломжтой юм.

Нээлттэй мэс засал хийснээс илүү үр дүнтэй, хүндрэл багатай. Цаашид манай төв LECS мэс заслаар бүдүүн гэдэсний салстын доорх хавдартай, ходоодны салстын доорх хавдартай иргэдэд мэс засал хийхээр төлөвлөн ажиллаж байна.” гэдгийг онцоллоо.

Arslan.mn

Үүнээс гадна мэс заслын багт ажилласан УНТЭ-ийн Ерөнхий мэс заслын эмч С.Түдэвдорж хэлсэн үгэндээ “Дурангийн тусламжтайгаар хийгддэг энэ мэс заслын аргыг анх 2008 онд дэлхий дахинд хэрэглэж ирсэн. Хөнөөл багатай, өвчтөнд ил, том шарх үлдээхгүй, зовуурь багатай тус мэс заслыг нэвтрүүлэх ажлыг өнгөрсөн оноос эхлүүлсэн бөгөөд энэ онд бид эмчилгээ, үйлчилгээндээ нэвтрүүлж, анхны өвчтөндөө мэс заслаа хийсэн. Өвчтөний биеийн байдал сайжирч, эмнэлгээс гарсан.” хэмээлээ.

Arslan.mn

Arslan.mnArslan.mn

Мэдээнд өгөх таны үнэлгээ?
Like an post Love an post
3
haha an post
1
wow an post
2
yay an post
1
sad an post
1
ouch an post
confuse an post
angry an post
652353
26 эможи

Зочин
2023-11-01 12:10
Ургацагийг уу.үнэхээрийн ракийг бол яах бол
keyboard_arrow_up