Arslan.mn

Өнөөдөр зуны эхэн сарын шинийн 15, Бурхан багшийн их дүйчэн өдөр. Энэ өдөр Чойжин багш "Зүрх мартахгүй" төслөөр дамжуулан хоёр хүүхдийн зүрхний мэс заслыг хийхэд туслан, буян үйлджээ. 

Мөн Чойжин багшийн зүгээс төслийн эмч, хамт олонд "Манал" бурхан өгч, өвчтэй хүүхдүүдийн төлөө үргэлж залбирч, номоо өргөн, олон төрлийн тусламж дэмжлэгээ үзүүлдэгт талархаж байгаа талаар эмч Б.Болдсайхан өөрийн нүүр хуудаснаа бичжээ. 

Чойжин багшийн хувьд Монголын ард түмэн андахгүй төдийгүй, түүний ном сургаалийг Монголд ирэхэд нь тогтмол сонсдог байна. Чойжин багш одоогоор европын орнуудаар сүсэгтэн олонд ном айлтгаж, буяны ажлаа хийж яваа аж.