Arslan.mn

XVII жарны "Үзэсгэлэн болгогч" хэмээх туулай жилийн сар шинийн баярын босгон дээр Монгол Улсын Ерөнхийлөгчийн зарлигаар Халдварт өвчин судлалын үндэсний төвд олон жил, идэвх зүтгэл, үр бүтээлтэй ажиллаж байгаа ажилтнуудыг төрийн дээд одон, медалиар шагналаа.

Шагналыг Эрүүл мэндийн сайд С.Чинзориг өнөөдөр гардуулан өгөв.

• “Хөдөлмөрийн хүндэт медаль”-аар Гэдэсний халдвартын тасгийн сувилагч, Д.Урангоо,
• “Алтан гадас одон”-гоор насанд хүрэгчдийн цочмог гепатитын тасгийн эрхлэгч Ж.Ариунбилэг,
• Халдварт өвчний тандалт судлагааны албаны их эмч Б.Дэлгэрмаа,
• Амбулаторийн тасгийн сувилагч Б.Нарантуяа,
• Сүрьеэгийн клиникийн яаралтай тусламжийн тасгийн арга зүйч сувилагч Л.Оюунмандах,
• Вируст гепатит, энтеровирусын лабораторийн тасгийн техникч Г.Энхтуяа нар шагнагдлаа.

Цагаан сарын баяр дээр баяр нэмж, олон жилийн хөдөлмөр зүтгэлээ төр түмэндээ үнэлүүлэн шагнал хүртсэн ажилчдадаа баяр хүргэж, цаашдын ажил үйлсэд нь өндөр амжилт хүсье.