С.ЭНХБОЛД: Сувилахуйн тусламжийн шинэчлэлийг үргэлжлүүлэн сувилагч мэргэжлийн ҮНЭ ЦЭНИЙГ ӨСГӨНӨ С.ЭНХБОЛД: Сувилахуйн тусламжийн шинэчлэлийг үргэлжлүүлэн сувилагч мэргэжлийн ҮНЭ ЦЭНИЙГ ӨСГӨНӨ
Сонгууль 2024 7 хоногийн тойм -22°C 2639.86 ₮
06 сарын 15, Бямба
Өнөөдөр

Arslan.mn

С.ЭНХБОЛД: Сувилахуйн тусламжийн шинэчлэлийг үргэлжлүүлэн сувилагч мэргэжлийн ҮНЭ ЦЭНИЙГ ӨСГӨНӨ

2022 оны 12 сарын 16

Arslan.mn

Монголын Сувилагчдын Нийгэмлэгийн түүхт 25 жилийн ойг тэмдэглэх  арга хэмжээний хүрээнд “Олон улсын эрдэм шинжилгээний хурал болон Сувилахуйн удирдлага, манлайлал сургалт”-ыг 2022 оны 12 дугаар сарын 15-17-ны өдрүүдэд зохион байгуулж байна.
Олон улсын эрдэм шинжилгээний хурлын нээлтэд Монгол Улсын Засгийн газрын гишүүн, Эрүүл мэндийн сайд С.Энхболд оролцож  нийт оролцогчдод мэндчилгээ дэвшүүлэн үг хэллээ.



Эрүүл мэндийн сайд С.Энхболд хэлсэн үгэндээ цар тахлын хүнд үед ачааны хүндийг үүрч амжилттай даван туулсан сувилагч нарт талархал илэрхийллээ. Мөн Эрүүл мэндийн яамны зүгээс сувилагчийн нийгмийн асуудлыг шийдэх чиглэлд 2022 оны наймдугаар сард 300 орчим эрүүл мэндийн ажилтанд орон сууцны урьдчилгаа 20-30 сая төгрөг буцалтгүй тусламж хэлбэрээр олгосныг дурьдаад цаашид эрүүл мэндийн салбарын санхүүжилтийн шинэчлэлийн хүрээнд эмнэлгүүд сувилагч нарын цалинг 2022 онд 20-30 хувь нэмээд байгааг улам нэмэгдүүлэх чиглэлд ажиллана гэдгээ хэллээ. Мөн тэрээр сувилагчийн хүртээмжийг нэмэгдүүлэх чиглэлээр хийж байгаа ажлууд болон цаашид хийх ажлын талаар ярьлаа. Тухайлбал сувилагчийн дутагдалтай байгаа орон нутагт  АШУҮИС хамтран сувилагч бэлдэж эхэлснийг дурдаж,  сувилахуйн тусламжийн шинэчлэлийг үргэлжлүүлэн сувилагч мэргэжлийн үнэ цэнийг өсгөж, сувилагч нарын боловсролд хөрөнгө оруулалт хийх, манлайлалыг нэмэгдүүлэх, ажлын байрны аюулгүй байдлыг хангах чиглэлд улам ихээр анхааран ажиллана гэж хэллээ.
Мөн хуралд Олон улсын Сувилахуйн нийгэмлэгийн төлөөлөн удирдах зөвлөлийн гишүүн, Японы сувилахуйн нийгэмлэг Олон улсын стратегийн зөвлөх, профессор Тэшима Мэгүми “Бидний манлайллын дуу хоолой”, “Сувилагчийн ээлжийн зохицуулалт” сэдвүүдээр зочин илтгэгчээр уригдан оролцсон бол Жайка олон улсын байгууллагын Сувилахуйн мэргэжилтэн Сүгүвара, 21 аймаг, Улаанбаатар хотын эрүүл мэндийн байгууллагуудын Сувилахуйн албадын дарга нар, салбар нийгэмлэгийн тэргүүн, сувилагч нарын төлөөлөл болох нийт 500 гаруй сувилагч мэргэжилтнүүд оролцлоо.

Тус Олон улсын эрдэм шинжилгээний хурлаар  Сувилахуй, эх барихуйг хөгжүүлэх стратегийн тэргүүлэх чиглэл болох сувилахуйн боловсрол, ажлын байр, удирдлага, манлайлал, тусламж үйлчилгээ гэсэн 4 чиглэлд нийт 50 гаруй илтгэлийг хэлэлцүүлэх юм.





Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
1
643429
1 эможи

ХАШЧУЛУУН
2022-12-16 11:43
ЭНЭ САЙД С ЭНХБОЛД БОЛ ТААРУУ НӨХӨР ҮҮНИЙ УРШИГААР МАШ ОЛОН СЭТГЭЦИЙН ӨВЧТЭЙ ХҮМҮҮС ӨВЧНӨӨ ЭМЧЛҮҮЛЖ ЧАДАХГҮЙ БАЙНА ЭР ГЭР ГЭР БҮЛ Н МАШ ИХ ЗОВЛОНТОЙ АМДАРЧ БАЙНАА УЧИР Н ЭНЭ САЙД БОЛОНГУУТАА ГАРГАСАН ШИЙДВЭР Н СЭТГЭЦИЙН ӨВЧТЭЙ ХҮМҮҮЁИЙГ 1 САРААС ИЛҮҮ ЭМЛЭГТ ХЭВТҮҮЛЖ БОЛОХГҮЙ ХӨРӨНГӨ ХЭМНЭ ГЭЖ ШИЙДВЭР ГАРГАСАН БОЛОЛТОЙ ЮМ ЭНЭ ЗӨВ ШИЙДВЭР БИШ ҮҮНИЙ УЛМААС МАШ ОЛОН ӨВЧИНТЭЙ ХҮМҮҮС ИЙН АР ГЭР МАШ ИХ ЗОВЛОНТОЙ АМДАРЧ БАЙНАА УРД Н ИЙМ ӨВЧЭЙ ХҮМҮҮС 1ЭЭС 2 САР ЭМЧЛЭГДЭЖ БАЙЖ ЭДГЭДЭГ БАЙСАН ОДОО ХҮНД ХҮН БОЛОН ТЭДНИЙ АР ГЭР МАШ ИХ ТҮГШҮҮРТЭЙ АМДАРЧ БАЙНАА ЭНЭ ХҮНИЙГ ЯААРАЛТАЙ ӨӨРЧЛӨХ ТАЛААР ХОЛБОГДОХ ГАЗАРТ Н МЭДЭЭЛЭХ БОЛНОО
keyboard_arrow_up