Arslan.mn

Коронавирусийн нөхцөл байдал, томуу, томуу төст өвчний эмнэлзүйн онцлог, хүндрэл, эрэмбэлэлт, эмнэлэг болон гэрт үзүүлэх тусламжийн ялгааны талаар ХӨСҮТ-өөс мэдээлж байна.

ХӨСҮТ-ийн дарга Ц.Билэгтсайхан: Манай улсад ковид, томуугийн нөхцөл байдал амаргүй байна. Тиймээс иргэдийг вакцинжуулалтад хамрагдахыг уриалж байна.

Эрсдэлт бүлэг болох хүүхэд, өндөр настныг дархлаажуулалтад хамрагдахыг хүсье. Амны хаалт зүүх, гараа тогтмол угаах, хүн хоорондын зай барих зэрэг энгийн дадал зуршлаа эргэн сэргээх хэрэгтэй.

Долоо хоногт коронавируст халдварын 1192 тохиолдол илэрч байна. ПСР шинжилгээгээр илрэх хувь 5,9 болж нэмэгдсэн. Ажлын байрнаас халдвар авах нөхцөл нэмэгдэж байна.

Манай улсад 10 сарын сорьц дээр Монголд омикроны дэд хувилбар бүртгэгдсэн талаар бид өмнө мэдээлж байсан. Сүүлийн хоёр долоо хоногийн шинжилгээний сорьцоор омикроны хувилбар өссөн дүнтэй байна.