COVID-19 7 хоногийн тойм -22°C 2639.86 ₮
02 сарын 07, Мягмар
Өнөөдөр

Arslan.mn

С.ЭНХБОЛД: Өнөөдрийн байдлаар улсын хэмжээнд эрт илрүүлэг, үзлэг, оношилгоонд 500 гаруй мянган иргэн хамрагдаад байна

админ
2022 оны 11 сарын 04

Arslan.mn

Монгол Улсын урт хугацааны хөгжлийн бодлого “Алсын хараа-2050”, Засгийн газрын мөрийн хөтөлбөр 2020-2024 дагуу  Ерөнхий сайдын шууд санаачилга ба дэмжлэгээр 2022 оны 05 дугаар сарын 01-ний өдрөөс эхлэн иргэн бүрийг жилд 1 удаа урьдчилан сэргийлэх, эрт илрүүлэх үзлэг, шинжилгээ, оношилгоонд хамруулж эхэлсэн бөгөөд насанд хүрэгчдийн насны бүлгээсээ  хамаарч 12-19 нэр төрлийн үзлэг, шинжилгээ, оношилгоонд хамруулж байгаа билээ.

Энэ ажлын Эрүүл мэндийн сайд С.Энхболд өнөөдөр /2022.11.04/ Сонгинохайрхан дүүргийн Эрүүл мэндийг дэмжих төвд хийгдэж байгаа  Эрт илрүүлэг үзлэг, оношилгооны явцтай газар дээр нь танилцаж байна.

2022 оны 11 сарын 2-ны өдрийн байдлаар Улсын хэмжээнд эрт илрүүлэг үзлэг, шинжилгээ, оношилгоонд 501,739 иргэн хамрагдсанаас 227,735 буюу 45,4 хувь нь эрэгтэйчүүд, 274,004 буюу 54,6 хувь нь эмэгтэйчүүд байна гэдгийг энэ үеэр Эрүүл мэндийн сайд С.Энхболд хэлэв.

Arslan.mn

Тэрбээр "Урьдчилан сэргийлэх, эрт илрүүлэх үзлэг, шинжилгээ, оношилгоонд нийт 501,739 хүн хамрагдсанаас үзлэгийн дүгнэлт гарч дууссан хүн амын өвчлөлийн 269,143 сэжигтэй тохиолдол бүртгэгдсэн. 

Өвчлөлийн 269,143 сэжигтэй тохиолдол бүртгэгдсэнээс 

  • 175,647 буюу 65.3 хувь нь хоол боловсруулах тогтолцооны өвчин, 
  • 24,809 буюу 9.2 хувь нь дотоод шүүрэл тэжээлийн ба бодисын солилцооны өвчнүүд, 
  • 15,892 буюу 5.9 хувь нь зүрх судасны тогтолцооны өвчин, 
  • 15,802 буюу 5.9 хувь нь шээс бэлгийн тогтолцооны өвчин, 
  • 10,865 буюу 4.0 хувь нь амьсгалын тогтолцооны өвчлөлүүд бүртгэгдсэн нь тэргүүлэх шалтгаан болж нийт өвчлөлийн сэжигтэй тохиолдлын 90.3 хувийг эзэлж байна.

Энэ үр дүнг бий болгоход хүчин зүтгэсэн нийт эрүүл мэндийн салбарын 58 мянга гаруй мэргэжилтнүүддээ талархал илэрхийлье. Та бүхний маань нөр их хөдөлмөрийн үр дүнд бид эрүүл мэндийн салбарын цаашдын хөгжлийн чигийг тодорхойлох big data-г бий болгож байна.

Бид цаашид бодлогоор нийт хүн амд зонхилон тохиолдож байгаа өвчлөлийг эмчлэх, өвчлөх шалтгаан, эрсдэлт хүчин зүйлсийг бууруулах, ирээдүйд учирч болзошгүй хүндрэл, нас баралт, санхүүгийн дарамтаас сэргийлэх нийгмийн эрүүл мэндийн чиглэлийн урт хугацааны бодлогын ажлуудыг хийхээр төлөвлөж байна.

Иргэн бүрийн эрүүл мэндэд хөрөнгө оруулснаар эрүүл мэндээс үүдэлтэй зардал буурч, улмаар улс орны эдийн засаг, нийгмийн амьдрал өсөж, хөгжиж байдаг тул эрүүл мэндийн салбарт тогтвортой санхүүжилт, дэмжлэг туйлын чухал бөгөөд энэ жилийн хувьд урьдчилан сэргийлэх, эрт илрүүлэх үзлэг, шинжилгээ, оношилгоонд зориулж Улсын төсвөөс 60,8 тэрбум төгрөгийг төсөвлөсөн бөгөөд цаашид жил бүр урьдчилан сэргийлэх, эрт илрүүлэх үзлэг, шинжилгээ, оношилгоонд тодорхой төсвийг тогтмол суулгаж ажиллана. " гэв.

Байршлаар нь харуулбал 256,718 буюу 51,2 хувь Улаанбаатар хотод, 245,021 буюу 48,8 хувь нь орон нутагт байна. 

Улаанбаатар хотын дүүргүүдийн хувьд

  • Баянзүрх дүүрэг 62,432,
  • Баянгол дүүрэг 69,570,
  • Сонгинохайрхан дүүрэг 36,654 ,
  • Хан-Уул дүүрэг 29,407 ,
  • Сүхбаатар дүүрэг 29,407 ,
  • Чингэлтэй дүүрэг 14,917 ,
  • Налайх дүүрэг 10,146,
  • Багануур дүүрэг 4,737 ,
  • Багахангай дүүрэг 526 хүн тус тус хамрагджээ.

Arslan.mn

Аймгуудаар харьцуулж үзэхэд Төв аймаг 21,925, Хөвсгөл аймаг 19,337, Орхон аймаг 17,457  , Өвөрхангай аймаг 18,619 , Дархан-Уул аймаг 16,523 хүн хамруулаад байгаа нь хамгийн өндөр хамрагдалттай байна.

Мөн 2021-2022 онд 25.6 тэрбум төгрөгийн санхүүжилтээр 20 аймаг,  5 дүүргийн эрүүл мэндийн төвд "Эрүүл мэндийг дэмжих төв"-ийг олон улсын стандартын дагуу засварлаж, бүрэн тохижуулж, тусламж үйлчилгээ үзүүлэхэд шаардлагатай  1,452 ширхэг тоног төхөөрөмжийг  худалдан авч суурилуулж, дэмжих төвүүдийг байгуулж иргэдэд  урьдчилан сэргийлэх, эрт илрүүлэх тусламж үйлчилгээг үзүүлж байна.

Эрүүл мэндийг дэмжих төв нь 20 гаруй кабинеттай бөгөөд  Олон улсад хүлээн зөвшөөрөгдсөн нэр хүндтэй брэндүүдийн хамгийн сүүлийн үеийн тоног төхөөрөмжүүдээр бүрэн тоноглогдсон бөгөөд үүнд улаан хоолой, ходоодны уян дуран, тархины цахилгаан бичлэгийн аппарат, чих хамар хоолойн оношилгооны тоног төхөөрөмж, суурин дижитал рентген аппарат, суурин эхо, шүдний оношилгооны багаж, тоног төхөөрөмж, урьдчилан сэргийлэх оношилгооны тоног төхөөрөмж, зүрхний цахилгаан бичлэгийн аппарат зэрэг тоног төхөөрөмжөөр бүрэн хангагдсан.

Урьдчилан сэргийлэх, эрт илрүүлэх үзлэг, шинжилгээ, оношилгоонд нийт хүн амыг хамруулснаар амь нас, амьдралын чанарт ноцтой хохирол учруулах, цаашид хөгжлийн бэрхшээлд хүргэж болзошгүй өвчнийг эрт үед нь илрүүлж, улмаар үр дүнтэй эмчилж, ирээдүйд учирч болзошгүй хүндрэл, нас баралт, санхүүгийн дарамтаас сэргийлэх чухал ач холбогдолтойг илрүүлэгт хамрагдсан 500.000 хүний жишээ харуулж байна. 

Түүнчлэн оюутны эрт илрүүлгийг эрчимжүүлэх зорилгоор Эерэг хандлага –Эрүүл оюутан аяныг мөн энэ сараас эхлүүлсэн байна.

Arslan.mn

Arslan.mn

Arslan.mn

Arslan.mn

Arslan.mn

Arslan.mnArslan.mnArslan.mn

Arslan.mn

 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
642095
1 эможи

Зочин
2022-11-05 14:51
Энхболдоо Чи энэ салбарыг дампууруулж ХҮНД сурталд оруулсаар. Чамаас өмнө ганц хоногтоо ЭМНЭЛЭГТ үзүүлж болдог байсан ОДОО 7-10 хоног яваад чадахгүй боллоо.Ийм байхад өвчлөл үхэл газар авч АВИЛГА цэцэглэж өвчинөөр хийх бизнес хөгжлөө.хувийн чанаргүй Эмнэлэг эмнэлгүүд өвчин зовлон дээр ашиг гаргах боллоо. Чи хурдан ЗАЙЛВАЛ бид бага боловч амармаар бн.
Hehe
2022-11-05 10:03
Olon hunii ami avarch bgd bayrlla
Иргэн
2022-11-05 08:00
Энэ үнэн үү. Эргэн тойронд хавьд үзүүлсэн хүн байхгшй байгаад байгаа. Хүлээж бай дуудна гээд л байгаа. Эсвэл бидний нэр рeгистр аль эрт эрт илрүүлэгт орчихсон тууж байна уу.
С.ЭНХБОЛД
ЭМЯ

Холбоотой мэдээ

keyboard_arrow_up