Arslan.mn

“Нийгмийн эрүүл мэндийн ноцтой байдлын үед сүрьеэгийн тусламж, үйлчилгээнд салбар хоорондын хамтын ажиллагааг бэхжүүлэх нь” сэдэвт дээд хэмжээний чуулга уулзалт өнөөдөр боллоо. 

Тус чуулганыг ЭМЯ, ХӨСҮТ,  Дэлхийн Эрүүл Мэндийн Байгууллага, Глобаль сангийн Үндэсний зохицуулах зөвлөл, Глобаль сангийн дэмжлэгтэй ДОХ,Сүрьеэгийн төслийн нэгж зэрэг байгууллагууд хамтран зохион байгуулж байна.

Энэ үеэр ХӨСҮТ-ийн Ерөнхий захирал Ц.Билэгтсайхан " Өнөөдрийн чуулганаар 2018 онд дээд хэмжээний чуулган уулзалтаар гарсан "Улаанбаатар тунхаг"-ийн хэрэгжилт өнөөдөр ямар байгаа дээр ярилцаж байгаагаар онцлогтой болж байна.  Энэ удаагийн чуулга уулзалтад ДЭМБ-аас олон улсын зөвлөх, олон улсын шинжээчийн баг хүрэлцэн ирсэн. Тэд хоёр долоо хоногийн хугацаанд манай улсад сүрьеэгийн үндэсний хөтөлбөр хэрхэн хэрэгжиж байгаа талаарх үнэлгээг хийсэн.

Тухайлбал, коронавирусээс шалтгаалж сүүлийн жилүүдэд сүрьеэгийн тусламж, үйлчилгээ буурсан үзүүлэлттэй байна. Тиймээс энэ үзүүлэлтийг хэрхэн сэргээх талаарх асуудлыг хэлэлцэж байна. Өнгөрсөн хугацаанд сүрьеэгийн тусламж үйлчилгээнд ашиглах эмнэлгийг орыг коронавирусээр өвчилсөн хүмүүст дэлгэсэн. Түүнчлэн сүрьеэгийн эмч нар маань улаан бүсэд дайчлагдан ажилласан байдаг.

Сүрьеэ өвчний оношилгоонд хэрэглэдэг зарим аппарат, шинжилгээний төхөөрөмжийг коронавирусийн оношилгоонд хэрэглэж байсан. Цар тахал эхэлснээс хойш сүрьеэгийн илрүүлэг 10 хувиар буурсан үзүүлэлттэй байгаа.

Сүрьеэ өвчин нь эдийн засаг, нийгэм, цаашлаад сэтгүүл зүйн хувьд тухайн хүнд төдийгүй гэр бүлд дарамт учруулдаг эмгэг. Тиймээс сүрьеэ өвчинд олон салбарын хамтын ажиллагаа чухал. Ялангуяа Засгийн газрын оролцоо, шийдвэр маш чухал." гэв.