Arslan.mn

Энэ сарын 25-ны өдөр Улсын хоёрдугаар төв эмнэлэгт шинээр ажилд орсон эмч, сувилагч, эмнэлгийн тусгай мэргэжилтэн нийт 30 гаруй ажилтныг удирдлагын баг хүлээн авч уулзлаа. Мөн энэ үеэр эмнэлгийн алба, төв, тасгаар тойрон явж, эмнэлэгтэй танилцах үйл ажиллагааг нэгдсэн журмаар зохион байгууллаа. 

Уулзалтыг нээж Ерөнхий захирал Б.Эрдэнэбулган 90 жилийн түүхтэй манай байгууллага хамт олныг сонгон ирж ажиллах болсонд талархал илэрхийлж, байгууллагынхаа онцлог үйл ажиллагааны талаар танилцуулан мэндчилгээ дэвшүүлсэн юм.

Мөн эмнэлзүй хариуцсан дэд захирал Ц.Ганзориг байгууллагын түүх, бүтэц, алсын хараа, хэтийн зорилго, ирээдүйн хөгжлийн төлөвлөгөөг танилцуулж, Эрдэм шинжилгээ, инноваци хөгжлийн бодлого хариуцсан дэд захирал Д.Цогт-Очир байгууллагын соёл, харилцаа хандлагын талаар лекц уншиж нийт ажилтнуудад ажилт хүслээ.