Arslan.mn

Улсын хоёрдугаар төв эмнэлэг нь лавлагаа шатлалын төрөлжсөн тусламж, үйлчилгээг улсын хэмжээнд үзүүлэхийн зэрэгцээ аймаг, дүүргийн нэгдсэн эмнэлэг, анхан шатны эрүүл мэндийн байгууллага, хувийн хэвшлийн эрүүл мэндийн байгууллагын эмч нарын эмнэлзүйн мэдлэг, ур чадварыг нэмэгдүүлэх багц цагийг тасралтгүй сургалтыг зохион байгуулж байна.

Энэ удаа Зүрх судас судлалын тасгаас “Зүрхний архаг дутагдлын оношилгоо, эмчилгээ, хяналтыг сайжруулах нь” сэдэвт багц цагийн сургалтыг 2022 оны 06 дугаар сарын 28-ны өдөр танхим, цахимаар хосолсон хэлбэрээр зохион байгуулсан бөгөөд тус сургалтад нийт 150 гаруй эмч хамрагдсаны 60 орчим хувь нь хөдөө, орон нутгийн эмч нар хамрагдсан нь онцлог байлаа.

Тус сургалтаар зүрхний дутагдлын хамгийн сүүлийн үеийн оношилгоо, эмчилгээний зааврыг танилцуулж, эмнэлзүйн дадлага хичээлд тохиолдлын хэлэлцүүлэг хийсэн үр дүнтэй, өгөөжтэй сургалт боллоо.