Arslan.mn

Гашуунсухайтын тээврийн жолоочдын нэгээс ДОХ илэрсэн гэх мэдээлэл түгээд буй. Тус шинжилгээний сорьцыг баталгаажуулахаар ажиллаж байгаа талаар ХӨСҮТ-өөс мэдээлээд байсан билээ.

Тэгвэл Гашуунсухайтаас ирсэн сорьцын баталгаажуулах шинжилгээний хариу эерэг буюу ДОХ-ын вирустэй гэж гарчээ. Энэ талаар ХӨСҮТ-ийн ДОХ/БЗДХ-ын Тандалт, судалгааны албаны дарга Ж.Даваалхамаас тодрууллаа.

Тэрбээр "Баталгаажуулах шинжилгээний хариу эерэг гарсан нь үнэн. Харин тэр хүн жолооч байгаагүй. Хавьтал тодорхойлох ажил үргэлжилж байна. Тухайн хүнтэй бид ямар нэгэн байдлаар уулзаж, цаашдын процессыг тодорхой болгоно. Өөр нэмэлт мэдээлэл өгөх боломжгүй, хүн л бол хүн" гэлээ.