Ц.ТӨМӨР-ОЧИР : УГТЭ найман аймаг, 2 дүүргийн эмнэлгийн чадвахыг САЙЖРУУЛЖ, зөвлөн ТУСАЛНА Ц.ТӨМӨР-ОЧИР : УГТЭ найман аймаг, 2 дүүргийн эмнэлгийн чадвахыг САЙЖРУУЛЖ, зөвлөн ТУСАЛНА
Сонгууль 2024 7 хоногийн тойм -22°C 2639.86 ₮
05 сарын 18, Бямба
Өнөөдөр

Arslan.mn

Ц.ТӨМӨР-ОЧИР : УГТЭ найман аймаг, 2 дүүргийн эмнэлгийн чадвахыг САЙЖРУУЛЖ, зөвлөн ТУСАЛНА

2022 оны 3 сарын 05

Эрүүл мэндийн сайдаас өгсөн үүрэг чиглэлийн дагуу Улсын нэг, хоёр, гуравдугаар төв эмнэлгүүд 21 аймаг, 9 дүүргийг хуваарилан авч, чадамжийг нь сайжруулах, төвлөрөлийг сааруулах, хүртээмжийг нэмэгдүүлэх, хамтын ажиллагааг өргөжүүлэх ажлууд хийгдэж байна.

Arslan.mn

Энэ хүрээнд Улсын Гуравдугаар Төв эмнэлэг (УГТЭ) найман аймаг, хоёр дүүргийн эрүүл мэндийн байгууллагуудтай сүлжээ үүсгэн, мэргэшүүлэх, эмч, мэргэжилтнүүдийг нь чадвахжуулах болон ажиллан суралцах хөтөлбөрийг хэрэгжүүлэхээр ажиллаж байна.

Arslan.mnТиймээс өнөөдөр буюу гуравдугаар сарын 05-ны өдөр УГТЭ-ээс өөрийн хариуцсан Ховд, Баян-Өлгий, Увс, Завхан, Хөвсгөл, Булган, Орхон, Сэлэнгэ аймгууд, нийслэлийн Баянгол, Сонгинохайрхан дүүргийн эрүүл мэндийн байгууллагуудын удирдлагуудтай санал солилцох, хамтран ажиллах санамж бичиг байгуулах үйл ажиллагааг зохион байгууллаа.

Уулзалтын үеэр УГТЭ-ийн Ерөнхий захирал Ц.Төмөр-Очир хэлэхдээ “Эрүүл мэндийн сайд С.Энхболдын үндэсний лавлагаа шатлалын эмнэлгүүдэд өгсөн үүрэг чиглэлийн дагуу бид та бүхэнтэй санал солилцох уулзалтыг зохион байгуулж, гурван жил тогтвортой үйл ажиллагааг хангахаар санамж бичгийг байгуулж байна. УГТЭ-ийн зүгээс хамтран ажиллаж буй эмнэлгүүдийнхээ эмч, мэргэжилтнүүдийг чадвахжуулах, сургах, зөвлөн туслах, орон нутагт эмчилгээ, оношилгооны дэвшилтэт технологийг нэвтрүүлэхэд нь дэмжих, техник, технологийн ашиглалтыг сайжруулах зэрэг олон талын ажлуудыг хийхээр төлөвлөсөн. УГТЭ-ийн хувьд улсын хэмжээнд төрөлжсөн тусламж, үйлчилгээ үзүүлдэг байгууллага учраас бид хүн амын дунд зонхилон тохиолдож буй өвчлөлийн судалгаанд үндэслэн, нотолгоонд суурилсан зөвлөмж, дэмжлэгт удирдлагаар хангах зорилтот хөтөлбөрүүдийг үе шаттай хэрэгжүүлэхээр ажиллаж байна.  

УГТЭ-ээс дараах бодлого, чиглэлийн дагуу орон нутаг, дүүргийн эмнэлгүүдтэй хамтран ажиллана. Үүнд :

  • Ажиллан сурах журмын дагуу төрөлжсөн болон чиглэлийн эмч, мэргэжилтнүүдийг сургах, чадвахжуулах, УГТЭ-ийн эмч нар орон нутагт, орон нутгийн эмч нар УГТЭ-т ажиллан суралцах, зөвлөн туслах үйлчилгээ үзүүлэх
  • Эмнэлгийн үндсэн үйл ажиллагаа болох даатгал, ариутгал, халдвар хамгаалал, инженер техник, эмнэлгийн тоног төхөөрөмж, соёл үйлчилгээн дээр мэргэжил, арга зүйн зөвлөгөө, дэмжлэг өгч ажиллах
  • Эмч мэргэжилтнүүдээ багаар нь болон нэн шаардлагатай тусламж үйлчилгээ үзүүлэхэд нь дэмжлэг үзүүлэх, эмч мэргэжилтэн солилцох бодлого хэрэгжих юм.

Сүүлийн жилүүдэд улсын төсөв болон төсөл, хөтөлбөрүүдийн хүрээнд орон нутагт тоног төхөөрөмжийг шинэчлэх маш олон ажлууд хийгдсэн. Эдгээр тоног төхөөрөмжийн ашиглалтыг сайжруулах, тогтмол үйл ажиллагааг хангах, эмч, мэргэжилтнүүдийн тоног төхөөрөмж дээр ажиллах чадвахыг сайжруулах тал дээр дээрх эмнэлгүүдтэйгээ тууштай хамтран ажиллаж, хүн амын эрүүл мэндийн үзүүлэлтийг дээшлүүлэхэд анхаарна” гэлээ.

Дашрамд дурдахад УГТЭ-ийн хамтран ажиллах дээрх найман аймгийн нийт хүн амын тоо 835 мянга, нийслэлийн хоёр дүүргийн 567 мянга, нийт 1.4 сая гаруй иргэдэд эмнэлгийн тусламж, үйлчилгээг хүртээмжтэй, чанартай, эрүүл мэндийн үзүүлэлтийг дээшлүүлэхэд чиглэж байгаа аж.

Мөн энэ өдөр УНТЭ, УХТЭ-үүд орон нутаг, дүүргийн эмнэлэгүүдтэй хамтран ажиллах санамж бичиг байгуулаад байгаа юм.

Мэдээнд өгөх таны үнэлгээ?
Like an post Love an post
1
haha an post
wow an post
yay an post
sad an post
ouch an post
confuse an post
1
angry an post
635063
5 эможи

Зочин
2022-03-05 17:31
Одоо сайжрах байлгүй. Үйлчилгээ үнэн хэцүү бсан шүү 2 жилийн өмнө .
Иргэн
2022-03-05 16:52
УГТЭ- н тусламж үйлчилгээний чанар харилцан адилгүй байх юм. Эм тариа нь нэг өдөр ирээд л алга болно. Чирэгдэл ихтэй, эмч нарын харилцаа, мэдлэг харилцан адилгүй. Бусад хамт олондоо дараа болсон мэдлэггүй их зантай эмч нар олон болжээ. Цагийн тариа цагтаа хийгдэнэ гэж байхгүй. Хүнд өвчтөнд сувилгаа хийх сувилагч ховор, мартчихсан бна гэж хариулт өгдөг. Арай ч ийм байгаагүй юм даа.
keyboard_arrow_up