Arslan.mn

Сэтгэцийн Эрүүл мэндийн үндэсний төв /СЭМҮТ/-ийн коронавируст халдварын тасагт эмчлэгч эмчээр ажиллаж байгаа СЭС-ын 5-р клиникийн Ө.Анхболд эмчийн гэр бүлийнхэн болон Америк улсад байгаа найзууд нь Ковид-19-аар өвдсөн эмчлүүлэгчдэд нэн шаардлагатай буй 3 сая төгрөгний өртөг бүхий хүчилтөрөгч өтгөрүүлэгч аппарат  хоёр ширхгийг хандивлалаа. 

СЭМҮТ-д байсан  хоёр хүчилтөрөгч өтгөрүүлэгч аппаратын нэг нь эвдрээд хүндрэлтэй байсан бөгөөд эмчилгээний доголдол гарах байдалтай болсон аж.

Иймд СЭМҮТ-ийн Ерөнхий захирал Л.Насанцэнгэл өөрийн болон хамт олныхоо зүгээс санаачилга гарган ажилласан  тус эмнэлгийн Үйлдвэрчний эвлэлийн хорооны дарга Ө.Анхболд эмч болон түүний найзуудад нь  талархал илэрхийллээ.

Мөн  тус эмнэлэгт СХД-ийн харъяат иргэн Б.Ганбат, П.Пүрэвсүрэн нарын гэр бүлээс 3 сая төгрөгний үнэ бүхий хамгаалах хэрэгсэл (нэг удаагийн амны хаалт, комбинзон, зайнаас халуун хэмжигч)-ийг хандавласан байна.