Arslan.mn

2020 оны 11-р сарын 20-ны 11:00 цагийн байдлаар манай улсад гарсан дотоодын халдварын тоо 120 болсон байна. Энэ талаар Эрүүл мэндийн яамны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа коронавируст халдварын тохиолдол нэмэгдсэн талаар мэдээллийг өглөө.

Өчигдөр 17:00 цагаас хойш 37 тохиолдол нэмэгдэж, манай улсад бүртгэгдсэн нийт тохиолдол 555 боллоо. Үүнээс хоёр нь зөөвөрлөгдсөн тохиолдол юм.

Дотоодын халдвар өнөөдрийн байдлаар Улаанбаатар болон таван аймагт бүртгэгдсэн байна. 

Тухайлбал,

• Улаанбаатарт 33
• Сэлэнгэ аймагт  51
• Дархан-Уул аймагт 16
• Дорноговь аймагт 6
• Орхон аймагт 13
• Говьсүмбэр аймагт 1 тохиолдол бүртгэгдээд байна. 

Улсын бүртгэгдсэн дотоодын халдварын тоо 120 болж байна.

Монгол Улсад батлагдсан коронавируст халдварын тохиолдлын тоо 555 боллоо. Үүнээс эдгэрсэн 335 хүн байна.