Arslan.mn

Боловсрол шинжлэх ухааны сайд Л.Энх-Амгалан өндөр төлбөртэй хувийн ЕБС-иудын хувьсах зардлыг ирэх гуравдугаар сард зогсооно гэдгээ мэдэгдсэн. Тодруулбал, 10 сая төгрөгөөс дээш төлбөртэй сургуулиудад төрөөс хувьсах зардал өгөхгүй гэсэн байр суурийг илэрхийлсэн юм. 

10 саяаас дээш төлбөртэй сургуулийн удирдлагууд ХУВЬСАХ ЗАРДАЛ авахаас татгалзахад бэлэн гэжээ

Тэгвэл Монголын хувийн хэвшлийн бага дунд сургуулиудын холбооноос БШУ-ны сайд Л.Энх-Амгаланд хандаж, хувьсах зардлыг зогсоох талаар албан ёсны шийдвэр гарсан тохиолдолд, авахаас татгалзахаа мэдэгджээ. 

Уг бичигт "Сайд таны олон нийтийн сүлжээгээр 10 сая төгрөгөөс дээш төлбөртэй хувийн сургуулиудад хувьсах зардал олгохгүй гэсэн албан бус мэдэгдлийн дагуу Удирдах зөвлөл, гишүүн сургуулиудын удирдлагуудтай 2021 оны 2 дугаар сарын 14-нд шуурхай цахим хурал хийлээ. Хэдийгээр сайд таны гаргасан мэдэгдэл нь талуудын оролцоог хангаж, харилцан ойлголцох боломж олгоогүй ч хуралд оролцсон 10 сая төгрөгөөс дээш төлбөртэй гишүүн сургуулиуд таны саналыг дэмжиж албан ёсны шийдвэр болсон цагаас нь эхлэн хууль тогтоомжийн дагуу төрөөс олгож буй хувьсах зардлыг авахаас татгалзан хэрэгжүүлэхэд бэлэн байгаа гэдгээ үүгээр мэдэгдье" гэжээ. 

Тодруулбал, нийслэлийн хэмжээнд 10 сая төгрөгөөс дээш төлбөртэй  найман ЕБС л байна.

Тэгэхээр Л.Энх-Амгалан сайд тэдний үгийг сонсохгүй, уулзахгүй зүгээр л сошиалд нийгмийг талцуулж попорсон нь үнэн байв уу? ... Хамгийн гол нь төрийн сайд хувийнхаа данснаас гүйлгээ хийх гэж байгаа мэтээр "Би өгөхгүй" гэж попрох нь хэр зохистой вэ...