Arslan.mn

Балбын 68 настай оршин суугч Дурга Ками сурч, боловсроход хэзээ ч оройтохгүй гэж үздэг байна. Тэтгэврийн насыг зооглосон ч мань хүн өөрийн эртний мөрөөдлийг гүйцэлдүүлэхээр шийдэж, бичиг үсэгт тайлагдахаар болсон аж. Бага залуудаа Дурга Ками үгээгүй ядуу байсан тул боловсрол олж чадаагүй гэнэ. Улмаар гэр бүлтэй болсноор тэднийгээ тэжээх гэж гар хумхилгүй зүтгэжээ. Ажилдаа дарагдсан тул сурах боломж байсангүй. Харин одоо бол Дурга бэлэвсэрсэн бөгөөд зургаан хүүхэд нь бүгд том болжээ. Тиймээс тэр одоо л сурахгүй бол оройтно гэж шийдэв. Тэрбээр долоо хоногт зургаан өдөр сургуульд явдаг бөгөөд багш нарынх нь хэлж байгаагаар бол сайн суралцдаг аж.