Arslan.mn

АТГ-аас “Улаанбаатар цахилгаан түгээх сүлжээ” ТӨХК-ийн инженер Ш.Батхолбоог бусдад хахууль өгсөн байж болзошгүй гэх үндэслэлээр  шалгаж,  цагдан хорьжээ.

Тодруулбал, Ш.Батхолбоо тэргүүтэй албан тушаалтнуудыг өөрсдөдөө ашигтай шийдвэр гаргуулахын тулд бусдад их хэмжээний "хахууль өгсөн" байж болзошгүй гэж үзэн шалгаж байгаа аж.

Эх сурвалжийн мэдээлснээр мөрдөн шалгах ажиллагаа үргэлжилж байгаа гэнэ.

Дашрамд дурдахад, өнгөрсөн онд мөн  “Улаанбаатар цахилгаан түгээх сүлжээ” ТӨХК-ийн инженер Д.Б нь цахилгааны эх үүсвэр холбох, техникийн нөхцөл гаргаж өгөхийн тулд бусдаас хахууль өгөхийг шаардсан хэрэгт прокуророос яллах дүгнэлт үйлдэж, хэргийг шүүхэд шилжүүлээд байгаа талаар бид мэдээлж байсан.