Arslan.mn

Цахим хөгжил, харилцаа холбооны яам, Цагдаагийн ерөнхий газар болон Кибер аюулгүй байдлын зөвлөл хамтран Баянгол дүүргийн Цагдаагийн газрын алба хаагчдад зориулсан сургалт зохион байгууллаа.

Уг сургалт нь кибер гэмт хэргээс урьдчилан сэргийлэх, энэ төрлийн гэмт хэргийг илрүүлэх болон таслан зогсоох чиглэлээр алба хаагчдын мэдлэг, ур чадварыг дээшлүүлэх зорилготой юм. Сургалтын явцад цахим орчны аюулгүй байдал, шинэ төрлийн залилан болон техник технологийн дэвшлийг ашиглан үйлдэгдэж буй гэмт хэргийн онцлог, тэдгээртэй тэмцэх арга зүйн талаар мэдээлэл солилцов.