Arslan.mn

Тээврийн цагдаагийн албанаас “Зөвийг хэвшүүлье” уриалгын хүрээнд явган зорчигчийг зам тээврийн осол хэрэгт өртөхөөс урьдчилан сэргийлэх зорилгоор “ГЭРЛЭЭР АНХААРУУЛЪЯ” арга хэмжээ зохион байгуулж буй талаараа мэдээлэл өгч байна.

Өнгөрсөн онд зам тээврийн ослоор 2495 хүн гэмтсэний 1095 нь явган зорчигч байна. Үүний дийлэнх нь Улаанбаатар хотод бүртгэгдсэн байна. Энэ хүрээнд Тээврийн цагдаагийн байгууллагаас "Гэрлээр анхааруулъя" хэсэгчилсэн арга хэмжээг хэрэгжүүлэхээр болжээ. Учир нь иргэд зам хөндлөн гарахдаа ихэвчлэн хар бараан өнгийн хувцастайгаас гэрэл ойж явган зорчигч явж байгаа нь харагддаггүй. Улмаар осолдох явдал их гардаг аж. Тиймээс гарц гармаар гарахдаа утасныхаа гэрлийг асааж жолоочид сэрэмжлүүлэг өгөхийг уриалж байна.

Ташрамд дурдахад, зам тээврийн ослоор гэмтэж байгаа иргэдийн дийлэнх нь залуус байгаа аж.