Arslan.mn

Засгийн газраас Улаанбаатар хотод 14 хоногийн хугацаанд бүх нийтийн бэлэн байдлын зэрэгт шилжүүлэх шийдвэр гаргалаа. Энэ хугацаанд 15 чиглэлийн үйл ажиллагаа эрхэлдэг аж ахуйн нэгж байгууллагууд хэвийн ажиллах юм. Харин эдгээр байгууллагын ажилчид автомашиндаа QR код ашиглах юм байна.

Энэ талаар нийслэлийн Засаг даргын орлогч Ж.Сандагсүрэн "Өмнө нь бид хэвийн үйл ажиллагаа явуулж байсан 13 салбарын 23  мянган автомашиныг QR кодоор бүртгэлжүүлсэн. Одоо хөл хорионы үед хүүхэд хамгааллын байгууллага болон зөвшөөрөлтэй таксиг бүртгэлжүүлнэ. Хэвийн үйл ажиллагаа явуулах 15 чиглэлийн байгууллагын ажилчид хөл хорионы үед автомашинтайгаа QR кодоор зорчино.

Таксинд явах 800 машины үйлчилгээг нийтийн тээврийн үйлчилгээн дээр нэмж зөвшөөрч байна. Дахин хянаж эрүүл ахуйн хяналтыг мөрдүүлээд эдгээр такси үйлчилгээний машинууд арванхоёрдугаар сарын 23-нд явж эхэлнэ.

Нийтийн тээврийн 900 автобус хэвийн үйлчилгээ үзүүлнэ. Аль болох иргэд гэрээсээ гарахгүй байх хэрэгтэй" гэлээ.