“Нэг цэцэрлэг-Нэг өрх” аяны хүрээнд Баянгол дүүргийн 46 өрхөд тусламж үзүүллээ

“Монголын сургуулийн өмнөх боловсролын хувийн хэвшлийн байгууллагуудын холбоо”-ноос санаачлан нийслэлийн бүх хувийн цэцэрлэгүүдээ уриалж, цар тахлын хөл хорио сулраагүй байгаа эдгээр өдрүүдэд хүнд нөхцөлд байгаа айл өрхөд тусламж үзүүлэх зорилгоор “Нэг цэцэрлэг-Нэг өрх” аяныг зохион байгуулж эхэлжээ.

Тэгвэл өчигдөр тус холбооны гүйцэтгэх захирал Б.Баттуяа болон БГД-ийн СӨМБХ-ны тэргүүн А.Болормаа тэргүүтэй хамт олон Баянгол дүүргийн дүүргийн Нийгмийн хөгжлийн хэлтэс, Онцгой байдлын хэлтэст 46 өрхөд үзүүлэх хүнсний болон ахуйн хэрэглээний тусламжийг хүлээлгэж өгсөн байна.

Баянгол дүүрэгт 65 хувийн цэцэрлэг үйл ажиллагаагаа эрхэлдэг бөгөөд бүгд энэхүү аянд идэвхитэй оролцсон байна.