Arslan.mn

Аймаг, нийслэл, сум, дүүргийн ИТХ-ын 2020 оны ээлжит сонгуулийн санал хураалт 07.00 цагт орон даяар эхэлсэн. Гэтэл Налайх дүүргийн 5-р хороо буюу Гродокын санал авах байрны саналын машин өглөөний 8 цаг гэхэд ажлаагүй байна. Иргэд санал авах байрны гадаа дараалал үүсгэн хүлээсээр байна гэдгийг баттай эх сурвалж мэдээллээ.

Санал авах байрны хар машин, бусад тоног төхөөрөмжүүдийг шалгасан тестэлсэн гээд байсан.  Гэтэл энэ мэт зөрчил өөр газруудад илрэхгүй гэсэн баталгаа одоогийн байдлаар алга байна.

"Санал авах байр бүтэн цагийн турш ажлаагүй нөхцөлд иргэдийн санал өгөх хугацаа алдагдаж байна" гэх асуудлаар СЕХ-оос мэдээлэл авах гээд 262127 дугаарын утасруу залгасан боловч утсаа авсангүй.

Энэ мэт асуудал сонгууль болгонд гардаг нь иргэд хар машиныг хардах нэг үндэслэл болж байгаа гэхэд илүүдэхгүй биз...