Arslan.mn

Ерөнхийлөгчийн өргөн мэдүүлсэн "УИХ-ын гишүүнийг эгүүлэн татах" хуулийн талаар ЕТГ-ын хэвлэлийн төлөөлөгч Ц.Ганзориг мэдээлэл өгөв.

Тэрбээр " Манай улс парламентын засаглалтай болоод 34 жил боллоо. Бид өнөөдөр ёс зүйг парламентаар анх удаа хэлэлцэж байна. Энэ сэдвийг анх удаа хэлэлцэж байгаа нь дэвшил мөн. Төрийн тэргүүн энэ хуулийг санаачлахаас өөр арга байгаагүй. Учир нь парламентын гишүүд өнөөдрийг хүртэл оруулж ирээгүй. УИХ-ын гишүүд өөрийгөө эргүүлэн татах хуулийн төслийг оруулж ирэхгүй юм байна гэдгийг бид харлаа. Ард түмний, нийгмийн хүлээж буй энэ төслийг Ерөнхийлөгч л өргөн барих юм байна.

Ерөнхийлөгчийн санаачилсан хуулийн хүрээнд анх удаа парламентаар ёс зүйг ярьж эхэлж байна шүү дээ. 

Төрийн тэргүүн баруун таван аймагт ажиллав. 7000 орчим иргэнтэй уулзлаа. Иргэдэд энэ хуулийн төслийг танилцуулсан. Энэ үеэр тухайн тойргоос сонгогдсон УИХ-ын гишүүд мөн тойрогтоо ажиллаж таарсан юм.

Иргэд энэ хуулийн төслийг батлуулах ёстой гэж хоёр гараа өргөн дэмжсэн. Нийгмийн захиалга гээд байгаа нь энэ юм. 

Өнгөрсөн 30 жилд УИХ-ын гишүүн ёсзүйн алдаа гаргавал цалингийн 20 хувиар торгодог хууль үйлчилж ирсэн." гэв.